Ugeraga Saskibaloia

2008. urtea ez da hain txarra izan emaitz arloari begirada bat botatzen badiogu. Uda aldera gure kadete talde biak 2. mailan zeuden, baita junior taldeak ere. Emakumezko eta gizonezko erregionalak 2. mailan sendo aritu ziren, eta 1. mailako neskek ondo eutsi zioten mailari. Gizonezkoen denboraldia azpimarratzeko modukoa izan zen, igoera lortu baitzuten mailan eman genituen 9 hilabetetan.
Udatik bueltan geudenean gure 1. mailako nesken seniorrak igoera lortu zuen 2. maila nazionalera, horrela, gizonek lortutakoa lortuz. Junior talde biek ere igoera lortu zuten 1. mailan jokatzeko eskubidea lortuz. Eta nesken 2 kadete talde genituenez, bata 1. mailan hasi zen denboraldia eta bestea 2. mailan.
Gaur egungo egoera are hobeagoa da. Goiko 2 taldeek tinko eutsi nahi diote mailari, nahiz eta bidean hainbat oztopo aurkitu. Erregional talde biak nahiko gorabeheratsu hasi dute 2008-2009 denboraldia, baina ziur gaude ondo bukatuko dutela. Junior taldeak burubelarri ekin zioten uda osteari, neskek igoera lortu dute jada maila espezialera eta mutilek argi eta garbi erakutsi dute mailari eusteko kapazak direla. Gure kadeteek ere sinestu ezineko 3 hilabete burutu dituzte. 1. mailakoak espezialera igotzeko azken fasera sailkatuta daude, 2. mailakoak 1.ra igotzeko azken fasera dauden bezalaxe.
Taldeei errepaso sakona egin ostean, datorren urtea hau bezain emankorra izan dadila espero dugu. Guztion lanarekin gauza politak lor ditzakegu denboraldia amaitzeko geratzen diren 5 hilabeteotan. Horregatik jai zoriontsuak igaro ditzazuela opa dizuegu, hala nola, urte berria gogo biziz hasi dezazuela.